Ostrogorski Forum 2017. Беларусь у новых ўмовах: выклікі знешняй палітыкі, бяспекі,  і ідэнтычнасці пасля 2014 года

19 чэрвеня 2017 года ў Мінску Цэнтр Астрагорскага ладзіць канферэнцыю, прысвечаную крызісным тэндэнцыям у беларускай палітычнай і эканамічнай мадэлі ў трох аспектах: знешняй палітыкі, бяпекі і ідэнтычнасці.

На кожнай панэлі плануецца выступ экспертаў як з праўладнымі, так і з апазіцыйнымі поглядамі. У якасці мадэратараў выступяць журналісты вядучых беларускіх сродкаў масавай інфармацыі. Арганізатары уключаюць у дыскусію тых, хто ўплывае на меркаванне грамадскасці, з мэтай наладзіць адкрыты дыялог людзей з рознымі поглядамі.

Канферэнцыя стане працягам традыцыі штогадовага форуму, запачаткаванай у 2016 годзе. Відэа з Ostrogorski Forum 2016 можна паглядзець па спасылцы.

Канферэнцыя будзе транслявацца ўжывую онлайн. Палепшаныя відэа-запісы будуць таксама выкладзеныя ў Інтэрнэт да канца ліпеня.

Выступоўцы

Аляксандр Гелагаеў, вайсковы аглядальнік

Андрэй Дынько, шэф-рэдактар партала NN.BY

Сяргей Кізіма, загадчык кафедры міжнародных адносін Акадэміі кіравання пры Прэзідэнце Рэспублікі Беларусь

Андрэй Ляховіч, кіраўнік Цэнтра палітычнай адукацыі

Вадзім Мажэйка, эксперт Ліберальнага клуба

Дзяніс Мельянцоў, старшы аналітык Беларускага інстытута стратэгічных даследаванняў

Пётра Пятроўскі, навуковы супрацоўнік Інстытута філасофіі НАН Беларусі

Аляксандр Шпакоўскі,  кіраўнік праекта “Актуальная канцэпцыя”

Андрэй Ягораў, дырэктар Цэнтра еўрапейскай трансфармацыі     

Мадэратары

Аляксандр Алесін, вайсковы аглядальнік

Валер Булгакаў, галоўны рэдактар часопіса ARCHE

Валер Карбалевіч,  эксперт Аналітычнага цэнтра “Стратэгія”

 

Праграма Форуму

9.30-10.00                           Рэгістрацыя удзельнікаў

10.00-10.15                         Уступнае слова – Яраслаў Крывой

10.15-11.30                           Панэль 1. Нармалізацыя стасункаў паміж Беларуссю і ЕС пасля 2014 года: вынікі і праблемы 

Ці прывяла нармалізацыя адносінаў паміж Беларуссю і ЕС да відавочных  практычных вынікаў? Ці адыходзіць Беларусь на перыферыю знешняй палітыкі Еўразвяза? Ці працуе Расія на недапушчэнне нармалізацыі «Беларусь-ЕС», ці наадварот, зацікаўленая ў гэтым?

Выступоўцы:  Сяргей Кізіма, Андрэй Ягораў, Андрэй Ляховіч

Мадэратар – Валер Карбалевіч

11.30-11.50                            Кава-паўза

11.50-13.05                            Панэль 2. Нацыянальная бяспека і абарона Беларусі ва ўмовах эканамічнага крызісу і росту міжнароднай напружанасці: дасягненні і памылкі

Наколькі адэкватна Мінск разумее сучасныя ўнутраныя і знешнія пагрозы? Ці вычарпаны патэнцыял Беларусі як «донара бяспекі ў рэгіёне»? Якую ролю грае Беларусь у бяспецы Расіі? Якую ролю маюць сілавыя структуры ў прыняцці палітычных рашэнняў? Які ўплыў яны маюць на Аляксандра Лукашэнку, і наколькі яны ёсць праваднікамі палітыкі Масквы?

Выступоўцы: Аляксандр Гелагаеў, Аляксандр Шпакоўскі, Дзяніс Мельянцоў

Мадэратар: Аляксандр Алесін

13.05-14.05                            Абед

14.05-15.20                            Панэль 3. Афіцыйная палітыка ідэнтычнасці пасля 2014 года: ці адбылася “мяккая беларусізацыя”?

Ці ёсць “мяккая беларусізацыя” вынікам мэтанакіраванай дзяржаўнай палітыкі, ці толькі скампанаваных назіральнікамі наборам падзеяў? Ці можна казаць пра нейкія практычныя вынікі гэтай палітыкі? Ці ўспрымае Крэмль падобную палітыку як пагрозу? Ці праводзіць Расія палітыку распаўсюду “рускага міру” у Беларусі? Якая роля грамадзянскай супольнасці ў развіцці нацыянальнай ідэнтычнасці?

Выступоўцы: Вадзім Мажэйка, Андрэй Дынько, Пётра Пятроўскі

Мадэратар: Валер Булгакаў

15.20-15.35                            Падсумаванне з боку арганізатараў

15.35-16.05                            Прэзентацыя Акадэміі Астрагорскага

16.05-17.00                            Келіх віна

 

Напісаць адказ

Ваш e-mail не будет опубликован. Обязательные поля помечены *