Міжнародная навукова-практычная канферэнцыя “Праблемы і выклікі дзяржаўнага двухмоўя ў Беларусі і Вялікабрытаніі”

Брытанскі інстытут міжнароднага і параўнальнага права сумесна з Нацыянальнай Акадэміяй Навук Рэспублікі Беларусь пры падтрымцы Амбасады Вялікабрытаніі ў Беларусі праводзяць у Мінску 15 студзеня 2020 года міжнародную навукова-практычную канферэнцыю “Праблемы і выклікі дзяржаўнага двухмоўя ў Беларусі і Вялікабрытаніі”.

Мэта канферэнцыі — распрацоўка канкрэтных прапаноў па рэалізацыі дзяржаўнага двухмоўя, што дазволіць забяспечыць доступ грамадзян да прававой інфармацыі і дзяржаўных паслуг на мове, якой яны аддаюць перавагу.

Прафесар Колін Уільямс з Кэмбрыджскага ўніверсітэта і прафесар Аляксандр Лукашанец з Нацыянальнай Акадэміі Навук Беларусі выступяць з дакладамі на пленары канферэнцыі.

Нацыянальная акадэмія навук Беларусі праводзіць вялікую работу па забеспячэнні тэарэтычнай і факталагічнай базай моўнай практыкі ва ўмовах дзяржаўнага білінгвізму краіны. На сучасным этапе НАН Беларусі актыўна ўключыўся ў работу па перакладзе заканадаўчых актаў на беларускую мову. Разам з тым да сённяшняга дня нацыянальная дзяржаўная мова недастаткова прадстаўлена ў многіх важнейшых сферах грамадскага жыцця.

У Вялікабрытані, як і Беларусі, суіснуюць некалькі афіцыйных моў і маецца добра распрацаванае заканадаўства, якое эфектыўна рэалізоўваецца на практыцы. Карысным будзе абмен вопытам па практычнай рэалізацыі двухмоўя ў Беларусі і шматмоўя ў Вялікабрытаніі.

Сярод удзельнікаў канферэнцыі чакаюцца:

  • Уладзімір Гусакоў, Старшыня Прэзідыума Нацыянальнай акадэміі навук Беларусі;
  • Жаклін Перкінс, пасол Вялікабрытаніі ў Беларусі;
  • Яраслаў Крывой, старшы навуковы супрацоўнік Брытанскага інстытута міжнароднага і параўнальнага права;
  • Ігар Капылоў, дырэктар Інстытута мовазнаўства імя Якуба Коласа;
  • Яўген Каваленка, дырэктар Нацыянальнага цэнтра прававой інфармацыі Рэспублікі Беларусь;
  • Валерый Варанецкі, дэпутат Палаты прадстаўнікоў Нацыянальнага сходу Рэспублікі Беларусь;
  • Алена Анісім, старшыня Таварыства беларускай мовы імя Ф.Скарыны;
  • Аляксандр Данілевіч, дацэнт кафедры міжнароднага прыватнага і еўрапейскага права Беларускага дзяржаўнага ўніверсітэта;
  • Ігар Марзалюк, старшыня Пастаяннай камісіі па адукацыі, культуры і навуцы Палаты прадстаўнікоў Нацыянальнага сходу Рэспублікі Беларусь;
  • Віктар Шаршун, намеснік дырэктара Нацыянальнага цэнтра прававой інфармацыі Рэспублікі Беларусь;
  • Юрась Гецэвіч, загадчык лабараторыі распазнавання і сінтэзу маўлення Аб’яднанага інстытута праблем інфарматыкі НАН Беларусі;
  • Алесь Суша, намеснік дырэктара Нацыянальнай бібліятэкі Беларусі;
  • Ганна Кулеш, прафесар кафедры беларускага мовазнаўства Беларускага дзяржаўнага ўніверсітэта;
  • Кірыл Гарошка, каардынатар Цэнтра Астрагорскага ў Беларусі.

Дыскусіі адбудуцца ў рамках трох панэляў:

  • Раўнапраўнае функцыянаванне дзяржаўных моў як фактар гарманічнага развіцця грамадства;
  • Юрыдычныя гарантыі забеспячэння дзяржаўнага двухмоўя;
  • Практычная рэалізацыя дзяржаўнага двухмоўя.

Напісаць адказ

Ваш e-mail не будет опубликован. Обязательные поля помечены *