Канферэнцыя па рэформе беларускай вышэйшай адукацыі 27 снежня 2018

конференция по образованию

27 снежня 2018 года Цэнтр Астрагорскага і факультэт міжнародных адносінаў Беларускага дзяржаўнага універсітэта арганізуюць у Мінску канферэнцыю, дзе будуць абмеркаваныя пытанні, прысвечаныя рэформе беларускай вышэйшай адукацыі.

На канферэнцыі будуць прадстаўленыя вынікі конкурса даследванняў па рэформе вышэйшай адукацыі, абвешчанага Цэнтрам Астрагорскага і праведзенымі ў супрацоўніцтве з вядучымі міжнароднымі экспертамі.

Вышэйшая адукацыя ў Беларусі сёння сутыкаецца з шэрагам сур’ёзных праблемаў: слабая практычная арыентаванасць, недастатковая інтэграцыя ў міжнародныя праграмы і сеткі, адсутнасць прадпрымальніцкіх ініцыятываў, недахоп інавацыйных метадаў выкладання і даследаванняў, а таксама шырока пашыраная праблема плагіяту ў працах студэнтаў.

Вырашэнне практычных праблем беларускай вышэйшай адукацыі патрабуе абмену ідэямі і досведам паміж адукацыйнымі экспертамі, афіцыйнымі асобамі і навукоўцамі, якія працуюць у галіне вышэйшай адукацыі.

Канферэнцыя будзе ўключаць наступныя секцыі:

  • Рэформа сферы сацыяльных і гуманітарных даследаванняў
  • Новыя формы практычна арыентаванай адукацыі ў сферы бізнеса
  • Мадэрнізацыя і развіццё беларускіх ВНУ на аснове канцэпцыі “прадпрымальніцага універсітэта”
  • Плагіят у пісьмовых працах беларускіх студэнтаў: прычыны, следствы і спосабы вырашэння

Пацверджаныя выступоўцы:

  • Наталля Апанасовіч, дэкан факультэта “Вышэйшая школа бізнеса” Інстытута бізнеса і менеджмента тэхналогій БДУ
  • Кірыл Гарошка, навуковы супрацоўнік Інстытута “Палітычная сфера”
  • Андрэй Казакевіч, дырэктар Інстытута “Палітычная сфера”
  • Яраслаў Крывой, прафесар, старшы навуковы супрацоўнік Брытанскага інстытута міжнароднага і параўнальнага права
  • Вадзім Мажэйка, член Савета Ліберальнага клуба
  • Радзівон Марозаў, старэйшы навуковы супрацоўнік Беларускага эканамічнага даследча-адукацыйнага цэнтра (BEROC)
  • Пётра Рудкоўскі, дырэктар Беларускага інстытута стратэгічных даследаванняў
  • Віктар Шадурскі, прафесар, доктар гістарычных навук, дэкан факультэта міжнародных стасункаў БДУ

Дадатковыя выступоўцы будуць абвешчыныя пазней.

Канферэнцыя адбудзецца з 9:30 да 18:30 ў будынку факультэта міжнародных адносінаў БДУ па адрасе: вул Ленінградская, дом 20. Пасля канферэнцыі адбудзецца фуршэт для выступоўцаў і гасцей.

Удзел у канферэнцыі бясплатны, але неабходна папярэдняя рэгістрацыя. Для таго, каб прыняць удзел у канферэнцыі, калі ласка, запоўніце форму.

Напісаць адказ

Ваш e-mail не будет опубликован. Обязательные поля помечены *